Jo (ose pjesërisht po), kërkesat e SUVA-s lidhen vetëm me mbrojtjen e punëtorëve dhe nuk përfshijnë mbrojtjen e popullatës apo mjedisit. Direktiva “pastrim amianti” e STEB-it duhet të aplikohet si plotësuese e broshurës së SUVA-s.
Main menu
TË GJITHA PYETJET
Kam parashikuar të heq parketin me përmbajtje amianti, duke u bazuar në broshurën e SUVA. A mund ta zbatoj këtë metodë në Gjenevë?
Unë punoj në një zyrë dhe përballë dritares ndodhet një çati e vjetër e viteve 1950-1960. Çimentoja me fibra e saj, është plotësisht e prishur dhe plot pluhur, a mund të më ndihmoni të ndërhyj?
STEB -i do të kontaktojë me administratorin për të vlerësuar rrezikun dhe nëse është e nevojshme, do të orientojë pronarin e ndërtesës për të vepruar në mënyrën e duhur.
Një diagnostikim për amiantin është realizuar në vitin 2003. A vlen për punime shtesë? A mund ta përdor për punime të mëtejshme?
Po, vetëm nëse diagnostikimi i kryer përpara punimeve përfshin një pjesë të sipërfaqes së punimeve të ardhshme.
Unë punoj në një kompani ndërtimi që ndërhyn mbi nyja bashkuese, të cilat përmbajnë PCB. Ku mund të gjej informacionin e duhur mbi praktikat e duhura dhe masat që merren për të vepruar si duhet?
Në Gjenevë, direktiva STEB për pastrimin sqaron gjithçka të nevojshme mbi eliminimin e këtyre substancave në ndërtesa. Konferenca e koordinimit të shërbimeve të ndërtimit dhe të autoriteti i ndërtuesve profesionistë, ka publikuar një udhëzues praktik që u drejtohet kompanive, të cilat i referohen për të gjitha çështjet që lidhen me PCB-në në materialet bashkuese (KBOB 2004/4). Shiko në: KBOB. Për më tepër, zyra federale e mjedisit (OFEV) ka përgatitur një direktivë të posaçme për PCB-në, në materialet e nyjave bashkuese (shiko. VU-4013-F, 2003), mbi të cilën bazohen edhe hetimet mbi ndërtimet, vlerësimi i nevojës për pastrim, procedura që ndiqet, prishja e ndërtesave dhe mënyra e eliminimit.
Cila direktivë është ajo ku duhet të bazohem: OFEV apo STEB?
Direktiva e kantonit të Gjenevës nuk bie në kundërshtim me direktivën federale, por thellohet më tepër në disa pika.
Mbeturinat e PCB-së duhet të eliminohen çdo ditë siç procedohet me ato të amiantit apo mund të shkatërrohen së bashku në fund të punimeve?
Mbeturina e nyjave që përmbajnë PCB duhet të ambalazhohen, magazinohen dhe etiketohen në mënyrën e duhur (në përputhje me rregullat e transportit të mallrave të rrezikshme, ADR). Me tej, ato mund të grupohen në pritje të eliminimit.
Kam parashikuar punime rinovimi në apartamentin tim, i ndërtuar në vitin 1972. Kam bërë diagnostikim për amiant. Kam dëgjuar të flitet edhe për PCB-në, mos duhet të bëj diagnostikim edhe për PCB-në?
Po, është njësoj e nevojshme të bëhet një diagnostikim për PCB. Eksperti juaj mund t’ju ndihmojë për të përcaktuar nëse në këtë rast, ka elemente rreziku.
Dua të zëvendësoj nyjat që përmbajnë PCB. Pastaj a mund të eliminoj mbeturinat e nyjave me një substancë tretëse?
Jo. Përdorimi i një tretësi do të shpërndante PCB-të në mjedisin e kantierit. Ne të propozojmë t’i referohesh udhëzuesit praktik të publikuar nga konferenca e koordinimit të shërbimeve të ndërtimit dhe autoriteti i ndërtuesve profesionistë (KBOB 2004/4).
Gjenevë, direktiva për pastrimin e PCB-ve sqaron rrugën që duhet ndjekur për sa i përket përgatitjeve dhe pastrimit në ndërtesa.
Pas pastrimit nga boja e vjetër që përmbante plumb të një strukture prej druri, a duhet të heq elementet e drurit ku ka ende gjurmë të bojës me përmbajtje plumbi?
Gjurmët e bojës së vjetër mund të jenë të pranishme pas lyerjes mbi të më bojë të re. Objektivi është reduktimi i rrezikut të ekspozimit, gjatë pastrimit të bojës së ronitur.
A janë njësoj të vlefshme edhe për individët, masat paraprake mbi bojërat me përmbajtje plumbi, që i adresohen kompanive?
Po, masat aplikohen njësoj edhe për individët. Objektivi i tyre është mbrojtja e punëtorit, punonjësve të kantierit dhe mjedisit.
